梁諾妍掛住洪永城份家用

藝人梁諾妍、沈殷怡及徐浩昌（肥腸）等昨日為有份參演的港台電視劇宣傳，梁諾妍透露北上拍劇的老公洪永城將於下星期回港，還笑言分開多月比較掛念對方的家用：「其實佢好Sweet，話返嚟會幫我湊女同放狗。（佢有冇掛住個女？）佢每日都會同阿女視像，仲每日都唱同一首兒歌畀個女聽，我同佢講阿女依家唔聽呢首㗎，但佢話『唔會嘅！我唱佢就聽㗎啦。』」