男友嫁得過 郭奕芯搵定奶粉錢

藝人郭奕芯（Ashina）的富二代男友Brian Law新店昨日開幕，玄學家七仙羽（七師傅）、鄭伊琪及岑珈其等擔任嘉賓。Ashina以老闆娘身份亮相，拍照時心急拉埋男友合照，她表示：「既然我哋都公開咗，想幫佢爭取多啲曝光。（情侶檔吸金？）吸到就吸，要靠師傅幫幫忙！」七師傅似乎非常滿意這位「未來女婿」，大讚他高大靚仔又有禮，更直言：「呢個男人嫁得過！」問到Ashina是否已準備嫁人？她甜笑指會先待男友業務上軌道，現時最重要是先搵奶粉錢！