黃妍凌晨游走隧道標汗

歌手黃妍新歌《7月24日大道》MV邀來盧鎮業擔任男主角，為了營造日本時空感，唱片公司借用與日本的士相像的道具汽車，又拍攝亞視廠房對出的景色：「望出去會望到幾個煙囪，嗰個環境好似喺日本。」不過最令她興奮的，是在龍山隧道拍攝的場口：「我哋包咗條隧道，喺裏面來回游走拍攝，嗰陣其實已經係凌晨3、4點，又着住啲好厚嘅冷衫，再加件褸，熱到想死！雖然熱到癲咗，但已經豁咗出去。」