倪嘉雯天生一對「闊太腳」

由堪輿學家蘇民峰拍住4位J2ers主持的《呢鋪開乜︰開壇》，最新一集會教觀眾睇「腳相」。3位女主持有備而來，名正言順盡情晒美腿，倪嘉雯被蘇民峰讚腳形一流，完全具備做闊太的條件；黃嘉雯則被發現其中一隻腳呈內八字，不過師傅話可以後天改善。對於擁有「闊太腳」，倪嘉雯表示未想過嫁入豪門︰「單身咗近5年，暫時冇對象，都享受單身生活，將來當然都想組織家庭，不過目前唔渴求識男仔住。」