昔日東方祖藍立定遺囑 物業全歸老婆
已移居北京的陳松伶（松松）近日擔任無綫節目《有個閨密叫祖藍》嘉賓，原來她與主持人王祖藍一直只是網友關係，直至今次節目錄影才首次正式見面，不過卻有數不盡的話題，祖藍更在松松面前剖開心扉，直認偶爾會將收入全數「上繳」給太太李亞男，又驚爆已為對方立定遺囑：「基本上我類似整晒遺囑，房產收租都會去晒佢嗰度，我係預咗萬一自己唔喺度，佢都一路有收入嘛。」
陳松伶財政大權交老公
祖藍愛妻令松松大表欣賞，她又指丈夫張鐸也是責任心很重的男人：「你哋都會先為對方去諗，好驚自己有一日照顧唔到對方。」她坦言自己不擅理財，財政一直全歸丈夫管理，又大爆張鐸搞笑的一面：「佢去到歐洲啲舖頭，真係着晒所有女裝影相畀我睇，當然係因為我冇一齊去啦，仲要全部相都係叫售貨員姐姐幫佢影嘅！佢好緊張我，同佢相處似係多咗個爸爸咁，如果佢同我唔喺同一個城市，然後我同我哋啲common friend出去，佢會成日打住電話問我：『幾點返去呀？車準備好喇，你快啲上車喇！』又係咁打畀我周遭嘅友人。」
松松又分享「愛情保鮮法」：「我哋紀念日同生日都會飛去對方嘅城市。（做啲咩多？）做一樣為佢而做嘅嘢，幾個鐘都可以擦出新嘅愛火花，例如我好鍾意飲香檳，佢就會陪我飲，佢自己唔飲嘅，佢成日話：『香檳有乜好飲，全部都係糖水，怪不得飲到你咁肥！』」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
