下廚做節 孝敬「老爺奶奶」 陳煒懶理婚宴 兩公婆鬥忙

陳煒、江嘉敏及羅毓儀等昨日為新劇《黯夜守護者》宣傳，活動上眾人大玩熱身操，亦安排學習簡單自衞術，氣氛熱鬧。剛過的中秋，陳煒表示當晚親自下廚與未來老公食飯過節：「整咗海參、花膠畀未來老爺奶奶食，準備咗幾日。」她表示稍後將拍攝邵氏網絡大電影及為節目《黃金盛宴》開工，問到如何分身處理婚宴籌備事宜？她笑稱不用她操心：「前後日子都要開工，都係簡單為主，會減吓肥到時影相，依家比較緊張眼前工作。（唔怕老公投訴太忙？）佢都忙睇症啦，彼此彼此啦，哈哈！」她指暫未有計劃婚後與老公出國外遊，但希望可跟大班朋友一起去。

活動上羅毓儀（Yuki）即場示範劇中臨死一幕，換來現場掌聲不絕。她坦言這是自藝訓班後首個重戲份的角色，故令她十分緊張，拍攝前一晚也瞓得唔好：「出嚟效果都滿意，多謝大家鍾意呢個角色，好多人見到呢個細路女死咗都覺得好心痛，呃到佢哋眼淚。」

劇中要瞓屍袋的她，坦言與瞓睡袋沒大分別，笑指不是二手屍袋便沒問題，又表示為拍劇可以沒底線，若真的劇情需要，只穿內衣拍攝也可以，事先當然會做足安全措施。