姜濤貪玩被「報復」 男神崩壞！

姜濤、柳應廷（Jer）與毛舜筠主演的英皇電影《阿媽有咗第二個》，票房衝破3,000萬元，毛舜筠上載一條絕密短片，片中姜濤自爆首度拍戲心情緊張，第一日開工聽到導演叫埋位，他即說：「哎吔，好驚呀！」他與隊友Jer埋位前又玩到癲，互推一輪後，姜濤一手攬住Jer揈晒頭扮Kiss。最搞笑是姜濤將毛舜筠在片場瞌眼瞓的照片甫上網，激得對方戲言要插盲他對眼，又叫他：「做番個衰樣，要反白眼，流口水！」而姜濤亦乖乖就範，反眼伸脷不介意靚仔樣崩壞！