昔日東方王丹妮唔坐地起價 關智斌拍強姦戲 挑戰最大尺度
藝人王丹妮、關智斌（Kenny）、許廷鏗及鄭欣宜等，前晚現身香港國際時尚匯展揭幕，Kenny忙於拍攝電影《錄影歹》，談到同片兼任監製的女主角李施嬅有強姦戲，他自爆有份參演該場戲，但詳情要保密：「個故事內容好露骨，好似涉及藥物、毒品、煙酒同性愛，呢啲都係我好少接觸嘅題材，亦係咁多年以來最大尺度，好開心有機會突破框框。」
冇份裸露
他在片中沒有裸露鏡頭，反而拍檔栢天男有：「主要嘅親熱戲喺我哋嘅年輕版演員度，所以施嬅都冇乜親熱戲份。（蝕底？）係囉！（唔使騷肌？）我不知幾開心，可以正常食嘢，連續拍咗幾晚通宵，依家年紀唔細，做少一日運動都肥。」
王丹妮以壓軸身份任模特兒行騷，她透露自拍攝電影《梅艷芳》後，已4年沒有行時裝騷：「好開心見番一班熟悉嘅面孔，感覺好微妙，因為我16歲時，人生行第一個時裝周就係喺呢個舞台，頭先有好多美好回憶湧上嚟。」
她將飛往米蘭及巴黎出席時裝騷，預計逗留2星期，笑言會寓工作於娛樂，趁機四出遊覽，問到老公羅孝勇會否同行？她說：「佢喺澳洲讀脊醫，不過我飛歐洲嗰段時間，佢咁啱放假，可以無縫接班湊女。佢真係好好，特登返嚟幫我照顧個女。（攞完電影新人獎，有冇加價？）都仲係友情價同親民價，希望可以多啲工作，我唔係開天價嘅人。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
