黎諾懿身形走樣 被老婆嫌棄

黎諾懿昨日帶同太太及囝囝出席電腦遊戲活動，他表示囝囝喜愛電玩，但不擔心他過分沉迷：「嚟緊世代都係要面對呢啲虛擬世界，但會控制時間，基本嘅運動都需要佢做。」早前他為拍飲食節目令他「穩重」了不少，太太抱怨他身形走樣：「佢攞住啲韓星嘅相問我『人哋係藝人你又係藝人，點解你咁嘅？』，我話我哋路線唔同。」最近成功減了20磅的他笑稱要半年內騷肌拍廣告。