古巨基笑姜濤「問題少男」

姜濤與隊友Jer主演的英皇電影《阿媽有咗第二個》票房衝破3,000萬，片中古巨基以神秘嘉賓客串演出。基仔與導演彭秀慧前晚開Live，談到一口答應演出，基仔笑說：「佢話戲裏面角色叫古巨基，我覺得冇人比我演得更好囉！你搵邊個都演唔到古巨基，我最熟佢。係得個信字，唔知畀咩戲我做，會唔會有接吻戲？濕身戲？我冇問過就答應。」再談到爽快答應與姜濤合唱《愛回家》，基仔笑說：「冇人可以配合到戲裏面古巨基唱歌，代唱唔到，梗係我唱埋啦！」並親自解說片中演唱版本的首段呼吸聲大，是有特別意思，想做到有人輕輕在耳邊說話的感覺。