周國賢處男紅館騷 喊完又喊

歌手周國賢前晚首登紅館舉行一連3場演唱會，好友張繼聰帶同謝安琪等捧場。四面台設計簡單，台邊有個鳥籠，狀甚亢奮的他大喊：「紅館，你好！久違了各位。」連唱多首歌後，他一開口便向四面台觀眾鞠躬，邊抹眼淚邊說：「唔好意思，要你哋等咗咁耐！對唔住。」他笑言心情緊張過出席叱咤頒獎禮，又感性地說：「有人用畢生氣力、山長水遠先買到個麵包，但有人起身牙都未刷開門就去到夢寐以求嘅地方，18年喇！有人1、2年就上到嚟紅館，我真係要攝高枕頭諗吓點解！我真係唔知，如果知，一早就上咗。」台下大嗌：「唔緊要呀！」他叫觀眾勿嘈，以免擾攘他思緒，場面搞笑。