關智斌栢天男接受大挑戰李施嬅監製變打雜食好嘢自肥

藝人李施嬅年初因眼疾需要休養，病愈復出即孭起重擔，首嘗電影監製滋味的她更笑稱自己為「打雜」，劇本翻譯、安排化妝就連伙食也要負責，坦言不擔心壓力大影響病情。

李施嬅昨日聯同關智斌（Kenny）和栢天男（Adam）等出席電影《錄影歹》開鏡儀式，施嬅形容自己為「打雜」，她說：「劇本、翻譯、搵演員就連伙食都係我做埋，我覺得大家做嘢咁辛苦都係為兩餐，所以安排咗啲好嘢畀大家食，大家一定食得好！（咁多好嘢食唔怕食肥晒啲演員？）又唔係嘅，食得好大家士氣都好啲，難得今次我做監製可以操控呢啲嘢，梗係食好啲，哈哈。」

「個樣就有少少唔同」

她直言非常佩服香港監製的工作能力：「外國一套戲有十幾個監製，每人負責一樣嘢，但香港就可能得一、兩個，乜都做晒，依家發現以前TVB啲監製真係好勁！」她又大讚電影中的兩位男主角Kenny及Adam：「對佢哋嚟講好大挑戰，好多對白佢哋頭都暈埋，尤其Adam啲中文麻麻哋，佢真係日日都練，練得好辛苦，好感激佢。」

問到會否擔心做監製壓力大影響病情？她表示很多朋友亦有戥她擔心，但她相信可應付得來：「大致上好番晒，但個樣就有少少唔同。」她表示因接受眼部手術，令眼皮上留有疤痕：「好陰功呀，對眼劏咗2次，冇影響視力，但我要早啲瞓等啲疤早啲康復。」