拍住「雙妹嘜」 搵銀兼敍舊 佘詩曼全方位養生 力保22吋蛇腰

無綫經典劇《宮心計》於13年前播映，當時非常受觀眾歡迎，結局篇更創下50點最高收視紀錄。早前該劇安排於深夜時段重播，再度掀起煲劇潮。飾演「劉三好」的阿佘，不時將「說好話、做好事、存好心」掛在口邊，由於「三好」與保健產品康活健NMN PRO MAX所說的三種最好的元素意念相同，認為由阿佘擔任代言人最適合不過，加上品牌老闆與《宮》劇監製梅小青分屬好友，故促成今次合作。

拍攝當日，阿佘容光煥發，可謂狀態十足，梅小青更專程前來探班，適逢小青妹妹梅小惠是今次廣告總監，亦跟阿佘相識多年，令她們工作之餘乘機敍舊，阿佘開心表示：「好多謝小青姐，今次製作方面由小惠團隊負責，我哋係識咗好耐嘅朋友，但係咁樣合作形式就係第一次，所以呢個廣告都幾特別，同雙妹嘜合作。」

向來皮膚又白又滑的阿佘身形弗爆，其22吋蛇腰更令不少女士羨慕不已，她大方分享心得：「呢2、3年疫情關係，會比之前更加注重健康，每日盡可能做30分鐘簡單拉筋瑜伽動作。我咁多年嚟都係少食多餐，當然食保健產品都好重要，始終有啲補充品係平日飲食吸收唔到。」

至於小惠亦大讚阿佘表現冇得頂：「阿佘大部分嘅鏡頭都係一Take過順利完成，表情同對白都掌握得好精準，佢仲會畀唔同嘅角度我哋拍攝，怪唔得佢可以咁成功演繹唔同角色。」