欣宜減磅愁顯老 張敬軒扮清貧慣性「老笠」名錶

張敬軒昨日偕鄭欣宜及陳蕾出席手機活動，自認是科技迷的軒仔以前經常換新機，皆因手機已成為生活一部分，亦方便他隨時拍攝，但就表示不習慣「P圖」：「只會優化圖片，從未失手，未試過變形。」他又貼心為「遮遮」訂購新機，方便她隨時下載餐單及進行煮食直播，同時讚「遮遮」廚藝有進步：「佢幫雪櫃清倉，炮製咗巨型奄列畀我做早餐！」

談到為英皇80周年誌慶聲演短片，他直認期待公司派花紅，笑說：「老闆對我哋好好，我哋會向佢『打劫』，主力係劫走佢手上嘅名錶，全部係限量版，直接喺手上除落嚟，所以我啲錶全部冇盒！」他笑言從老闆手上得來的手錶超過10隻，又爆料：「有內部指引，見老闆時乜都唔好戴，要身無長物，老闆見你慘就會送畀你，畀得好開心！」語畢即展示手上價值200萬元的名錶，笑言是「打劫」得來的寶物。

至於欣宜的新歌《Glitter falls》MV昨晚首播，愈忙愈瘦的她表示是勤練舞和健身的成果，笑說：「係清減咗，會唔會老氣咗？」盛傳她有花店男友，問到是否因為拍拖而變瘦？她說：「唔好講到係，我好享受畀人追求，唔使咁快做決定。（仲有得揀？）做人最緊要有選擇！」並直認身邊有不少追求者：「做人唔使太貪心。」她又透露正籌備另一首新歌，但否認是為年底樂壇頒獎禮爭獎作準備，強調只是為報答歌迷。