情挑型男放笑彈 JW流晒口水

歌手JW（王灝兒）早前為新歌《FF》拍攝MV，MV中她一人分飾多角，包括搞笑神婆、性感特務、小丑等，過足戲癮，她開心表示：「除咗唱歌外，我都好鍾意演戲，第一次喺MV度有咁多角色，覺得好好玩呀！」講到其中一場挑逗腹肌型男的戲份，本是充滿曖昧感，但她演繹時卻變成搞笑戲，她說：「其實仲有好多場戲好搞笑，有場要後期加槍戰特效，我同男拍檔要扮避開啲子彈；而全場最爆笑係我要扮瞓着流口水，連我自己都忍唔住笑。」