陳曉東難得返港 唱好廣東歌

歌手陳曉東近日「回流」返港，灌錄廣東歌之餘，更宣布10月底開騷。昨日他到電台受訪，9月3日47歲生日的他，獲主持送上蛋糕提前慶祝。他透露已返港兩星期：「已經3年冇返過嚟，希望做番多啲廣東歌。（今次留幾耐？）起碼完騷先走。」又稱太太陪他返港：「一對小朋友就留喺北京由我媽咪照顧，因為佢哋要開學。太太遲啲都會返去，同我媽咪接更，等媽咪返香港。（再生第3個？）太太應該唔想，佢依家先回復番未生之前嘅身形。」