老公扮狗叫 千嬅當街失態

楊千嬅為王祖藍主持的節目《有個閨密叫祖藍》擔任嘉賓，自爆經常被老公整蠱：「日本餐廳門口有好多石春，每次我去廁所、準備要走，佢就將所有石春擺喺我個袋度。我奇怪咁重嘅？一打開個袋全部都係石春，你話係咪嬲？」老公更試過扮狗叫，令她當眾失儀，她說：「佢行行吓街用隻手拍我隻腳，然後扮狗叫，我以為真係有狗咬咪大嗌，成條街望住我，佢就喺度笑！」相反年僅10歲的兒子思想成熟，經常炮製美食給她，不過同時又會管其飲食，一副小管家模樣。