網上流出挽留片段 沙拉保夫反擊冇被炒 寸奧莉花講大話

奧莉花日前宣傳執導新片《別擔心親愛的》（Don't Worry Darling），指原本男主角阿沙因於片場展現「好鬥態度」被炒，才由英國男子組合One Direction成員Harry Styles頂上。阿沙得悉後向奧莉花發出長篇電郵，要求她向傳媒澄清自己並非被炒：「你同我都知道我辭演嘅原因，係因為你嘅演員同我都搵唔到時間排戲。」該封其後向傳媒流出的電郵中，阿沙自言已戒酒戒毒627天，現在有了從前缺失的道德指向，而他與英國女星Mia Goth所生的5個月大女兒Isabel，令他邁向新生，為了女兒更需要力保真相：「我知道你開始為套戲宣傳，而炒我係好吸引眼球嘅新聞標題，因為我仲係不受歡迎人物，可能成世都會係，但我成日喺度諗個女識字後會睇到新聞。」

阿沙辭演後，奧莉花拍片挽留他的短片亦被流出，她於車上對鏡頭表示：「阿沙，阿沙，阿沙……頭先我去咗策騎，成身大汗，但我想同你傳話，因為我覺得唔想放棄住。」她提及擔任女主角的英國女星Florence Pugh，揭示片場出現不和：「同埋我都好傷心，我想搞清楚件事。你知啦，我諗呢個對Florence小姐嚟講都算係一個警示。而我想知你仲願唔願意同我、同我哋去試？如果Florence依家真係落力去做。如果你哋可以和好，我尊重你個觀點，我亦尊重佢個觀點，睇吓你哋仲可唔可以合作……你點睇？有冇希望？可唔可以話我知？」

此外，阿沙日前受訪時談及近年屢犯官非，於人生低潮眾叛親離，曾羞愧得想吞槍自殺，並指已信奉天主教尋找救贖。另一邊廂，據稱Florence因不滿奧莉花拍片時背住未婚夫Jason Sudeikis搭上Harry，將杯葛大部分電影的宣傳活動。