昔日東方唐詩詠學戲捱鬧 垃圾都不如！
藝人唐詩詠近日為陳敏之的網上節目擔任嘉賓，2017年憑劇集《不懂撒嬌的女人》勇奪視后的她，透露拍攝該劇前，曾到馬來西亞跟法國大師上堂，雖然學戲過程不斷被喪鬧，但同時令其演技突飛猛進。
她憶述：「當時覺得自己連塵都不如，原來差到咁！我好記得上一星期堂喊咗3日，老師鬧我『你連垃圾都不如』，可能佢睇到我嘅包袱比較大，好想幫我打破佢，所以不停好殘酷咁鬧我，當刻係好傷心，但如果信任佢，過到呢一關，佢會好教到你，係我人生最重要嘅一件事。」
馬國明發火得人驚
詩詠與馬國明老友鬼鬼，合作無間，最近在劇集《白色強人II》又飾演一對，原來公認「好好先生」的馬國明亦有火爆一面！詩詠自爆見過他發火，非常嚇人：「例如本來係10蚊，但我哋講咗8蚊，佢就突然發好大脾氣，可能之前佢已經醞釀咗一輪情緒，忍咗好耐先爆出嚟！」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
