合照唔望粉絲 Kylie被轟態度惡劣

美國真人騷家族Kardashians成員之一的Kylie Jenner，日前出席在洛杉磯舉行的活動宣傳其自家品牌唇彩套裝，同場還有其家人。活動上Kylie與一名女Fans合照，事後該Fans於社交網公開合照時的片段，批評Kylie在拍照過程中木無表情之外，亦完全冇望過她一眼，態度極之惡劣！

片段事後在網上瘋傳，並惹來大批網民熱烈討論。有網民留言：「佢（Kylie）個樣好唔Happy。」又有網民說：「冇擁抱、冇笑容，一句都冇講？完全當Fans唔存在！」更有網民「曲線」寸爆她：「你睇得出佢有幾咁愛佢嘅Fans。」Kylie暫時未有回應批評，只於社交網公開當日活動上的照片，照片中的她同樣笑容欠奉！