分析「賣豬仔」個案 吳嘉禧接搵工短訊 籲舉報捉騙徒

柬埔寨「賣豬仔」事件愈揭愈多受害個案，繼「3日2夜」女神陳詩欣早前身在泰國旅遊，收到打工邀約短訊後，歌手Cheronna（吳嘉禧）也收到類似電騙，她前晚在社交網公開接收到的3段短訊：「你好吖，你想搵散工嗎？容許畀少少時間我為你介紹，可以嗎？」、「唔好意思，我可以send相關資料畀你睇一下嗎？」及「可以畀一分鐘時間我講解你知嗎？」

Cheronna對此自是不作理睬，她昨日說：「以前都收過唔同電騙，但好似呢種搵工訊息嘅就唔多，通常我都唔覆，不過因為近排啲新聞先留意，會諗係咪關事呢？但我今朝再打開呢個訊息，發現呢個號碼已經唔存在。」

雖然沒有甚麼辦法跟進，但覺得可以嘗試舉報，她有研究過這類「賣豬仔」電騙訊息，認為有人在香港負責操控：「我有留意佢哋用嘅言語，之前嗰啲好多都係扮香港人，但今次好多大家分享出嚟嘅訊息，都好似係本地香港人，所以大家嘗試舉報，最緊要自己都要小心。」

Cheronna表示有朋友建議詢問對方是否需要拯救，因為對方也可能是受害人，她說：「可能嗰個人都係身不由己，所以我先去搵番個號碼，點知發現冇咗，可能真係有人已舉報，所以佢個號碼已經刪除，我估都係用啲太空卡啩！」