老公緊急做手術 梁芷珮嚇餐懵

「旅遊達人」梁芷珮經常孖老公出埠拍片，最近老公身體不適，要入院做手術，令她擔心不已！她在社交網寫道：「前晚一個緊急嘅切腸手術真係嚇親我，老公胃痛咗兩個禮拜，前日醫生安排佢照腸胃鏡時發現佢有腸套疊，所以要立即做手術，遲發現有機會令腸潰爛，可以好危險。」不知所措之餘，她亦深深感受到老公的重要：「今日醫生話佢可以飲湯，我都鬆咗一口氣！」又上載與老公十指緊扣的照片，不少網民留言送上祝福。