考小學好頭痛 車婉婉畀囝囝激暈

藝人車婉婉昨日出席活動，談到5歲兒子Justus Quinlan（BBQ）面臨小學面試，令她大為頭痛：「原來考小學要好多準備，啱啱陪佢Zoom做模擬面試，老師問佢若果隔籬屋火燭你應該點做？佢竟然答『等我換番套制服過去救火先』，又試過有條英文問題叫佢讀，佢居然同人哋講『吓！我唔識英文喎！』我真係暈低，心諗你係咪玩嘢呀阿仔！」她笑指囝囝喜愛制服，家中有各式各樣的制服：「如果有人嚟屋企，佢可以2、3分鐘就去換套衫出嚟，突然間係Iron Man，突然間又救火英雄，日日都時裝表演。」