胡鴻鈞廣州騷 講明冇肉睇

胡鴻鈞日前在廣州展開巡唱，原定首站是澳門，但因疫情而延期，改於廣州作為起步點。開騷當日，他被Fans製作的應援物感動，他說：「歌迷會喺門口放咗好多個易拉架，有歌迷用我個英文名為咖啡命名，又整咗好多好靚嘅紀念品，感受到佢哋嘅熱情！」演出期間，Fans起哄叫他除衫，他笑言要轉行才能滿足Fans：「可能大家見喺香港開騷嗰陣，我着好少衫跳舞，但呢個巡演冇呢個打算，因為想以歌會友，大家聽住我嘅歌先，睇我着晒衫嘅樣就OK喇！」