候選港姐首晤評判 陳瑞菱出口術搶Fo 徐麟捱夜特訓

19位候選佳麗昨日與大會評判見面，陳瑞菱在台上自我介紹時，透露今天是其25歲生日，令人留下印象。受訪時，她表示生日要為港姐綵排，晚上則與家人開小型派對，問到願望是否奪冠？她說：「希望有能力做到最好！」她與「翻版孫藝珍」梁超怡同是海外佳麗，狀態不俗，問有否信心撼贏「本地薑」？陳瑞菱謙稱：「唔好話揮低，每位佳麗都有優點，會全力以赴。」至於如何令評判留下好印象，她說：「我冇咩撒手鐧，都係做自己，排練太多反而會出錯，靠臨場發揮仲好。」而梁超怡揚言會做最真實的自己，當評判是朋友般交心。

徐麟與張可欣廣東話麻麻，加緊訓練下自覺已進步不少，張可欣說：「我依家只會講廣東話，唔講普通話，每日都有請老師補習，參賽前都有上堂，但我比較怕醜，唔夠膽講。我喺香港住咗6年，聽係冇問題。」問會否擔心輸蝕，她們表示有跟佳麗預測問答環節的問題。而徐麟除特訓廣東話外，又苦練才藝及唱歌跳舞，每晚練到12點：「每日瞓得幾個鐘，但同佳麗一齊好開心，所以唔覺得攰。」

另外，準決賽將由麥美恩帶領應屆港姐亞軍梁凱晴、季軍邵初及關楓馨擔任司儀，梁凱晴表示雖然緊張，但有麥美恩在場故問題不大；邵初翻看昔日港姐片段學習專業用語；關楓馨則認為緊張是好事，代表想做得更好，至於會否擔心麥美恩爆肚難以招架？她笑言相信邵初接得住。

統籌經理何小慧稱這個司儀組合是曾志偉的主意：「可能因為今年係港姐50周年，畀機會師姐傳承，全女班都好有新鮮感。」又指曾志偉與陳百祥的司儀組合，或有機會在總決賽露面。