話倫敦乜都貴捱鬧 陳智燊解畫：已經盡量貼地

藝人陳智燊（Jason）與太太宋熙年（Sarah）昨日夫妻檔在尖沙咀出席英國樓盤活動。Jason早前除了在英國拍攝樓盤特輯，更與因疫情多年沒見的爸爸穿梭英國拍攝網上節目《JASON在英國》，沿途介紹英國日常生活情況。期間他在介紹倫敦的一集指當地百物騰貴，入油、交通費、酒店、甚至吃東西也相當昂貴，被當地的KOL批評以偏概全，Jason回應說：「我都有睇番啲comment，諗吓啱唔啱，其實每個城市都有唔同嘅地方，只係希望帶大家去認識唔同地方。（網民都話你離地？）已經盡量貼地，去之前啲朋友話唔想睇名店、貴餐廳，所以拍嘅時候都記住，去拍茶餐廳、搭公車，都有講市區貴啲、郊外平啲，節目幾多元化。如果先播出蘇格蘭嗰集講靚風景，相信反應會唔同，倫敦始終係一個緊張啲嘅城市。」宋熙年則指看過網民的意見後，會在拍攝、表達方面改進。