古天樂新片票房逆轉 衝破5.73億

古仔擔任總監製及主演的香港首部科幻片《明日戰記》前晚舉行慈善首映禮，一眾主創包括劉青雲，以及獻唱主題曲的ANSONBEAN及COLLAR成員Winka亦到場支持，加上嘉賓宣萱、周秀娜及魏浚笙等，氣氛熱鬧！

古仔完成內地宣傳後回歸「主場」，即獲一眾本港同業力撐，不少人低調包場支持，近日的謝票活動亦獲大批Fans送暖，難怪他在台上有感而發說：「必須行出呢一步，我想電影擴闊界限，拍科幻片好艱難，需要好多時間同金錢，但一定要做一次！」劉青雲亦搞笑說：「諗都冇諗過自己可以拍科幻片，外星人唔會嚟香港，只會到附近地方。」

電影的內地票房亦傳來喜訊，周一票房「逆襲」超越上周一，累計衝破5億元人民幣（約5.73億港元）！提到「偷票房」一事，古仔受訪時淡然說：「已經處理中，不過我收到好消息，內地上映延長至10月4日。」意味着中秋及「十一黃金檔」，古仔都可繼續陪伴內地Fans。談及本港優先場反應熱烈，他表示開心：「呢個『仔』終於見大家，覺得好欣慰，其實我都冇預計票房有幾多，盡咗力就得。」青雲則形容今次是「奇妙旅程」：「感覺好唔真實，直到拍攝一刻，先知真係好大製作，原來唔係只對住綠布景演戲。」

宣萱亦表明力撐古仔：「得番半條命都要嚟，一早已經Mark咗期。」又透露早前在內地3個月：「做咗3個帶貨直播。（帶咩貨？）全部都係我揀，要用過先推薦畀人，唔想做差自己嘅名聲。」周秀娜則透露正拍攝新片《爆裂點》，與「大反派」譚俊彥飾演一對，她坦言：「呢部係男人戲，我佔戲唔多，不過覺得角色有發揮，所以都想參與。」