求其搵個伴都難！祖兒自認唔生性單身更開心

天后容祖兒兩年來首度在港出席公開活動，對於媽媽遺憾她未找到好男人，祖兒笑言可以隨便找個伴，但其實自己一個更開心。她又指弟弟榮升父親後相當生性，全家非常開心：「呢方面我就唔生性！」

容祖兒、魏浚笙（Jeffrey）與吳家忻等，昨日在尖沙咀出席名店重開活動，吸引數十粉絲撐場。祖兒已兩年沒有在港出席公開活動，提到容媽媽早前在內地節目《牧野家族》遺憾女兒未找到好男人，祖兒笑言：「我可以隨便搵個，但係冇都冇辦法！唔係灰嘅，其實自己一個更開心。細佬好生性有埋小朋友，令到一家人都好開心，但係呢方面我就唔生性喇。」又指媽媽將注意力集中湊孫，故沒有催她拍拖。

魏浚笙為新片學功夫

談到她於《牧》中食豬糧引起很大回響，她說：「節目係講回歸大自然，我嘅任務係要養一隻豬，要親手整嘢畀佢食，正如其他人養寵物都會試味，嗰啲唔係豬餿，係用電飯煲整，同麥皮差唔多，同埋我真係一直好想養豬。」她表示將為《羅文20傳承．全城紀念演唱》演出，能夠於紅館獻唱恩師羅文喜歡的歌曲，相信屆時會相當感動。問她何時再在紅館舉行個人演唱會？她說：「本來想今年，2019年仲同Fans誇下海口希望3年內，但因為疫情開唔到，希望下年啦。」問到同場的「小鮮肉」Jeffrey是否她喜歡的類型？她笑說：「見唔到佢，但係見過佢上鏡，靚仔點可以逃得過我法眼！佢小朋友嚟，你哋唔好咁啦。」

而Jeffrey透露為新片接受功夫訓練，曾學泰拳的他指拳擊還可以應付，但踢腿、翻觔斗則要好好練習，又笑言身為演員，不擔心被打傷靚仔樣。問到男團MIRROR的演唱會發生意外後，可有聯絡好友Edan？他說：「有，但唔太多，唔想阻佢，知佢冇事就得，其他嘢就冇問。」