昔日東方祖兒為同學出頭 想打黃翠如
樂壇天后容祖兒前晚現身王祖藍主持的無綫節目《有個閨密叫祖藍》，小學已相識的「孖祖」接受體能及畫功「考試」，祖藍小學時期的「神級」動漫作品《街頭霸床》曝光，又即席與祖兒鬥畫功，但祖兒筆下的多啦A夢及龍貓嚴重「毀容」，她也不禁說：「冇眼睇！」
難忘羅文教誨
期間，祖兒提及恩師羅文（籮記），稱現時才明白對方的教誨：「籮記教我唔好咁緊張人哋點睇自己，好多嘢要放鬆，我有時會去佢屋企訴苦講心事，當時仲以為佢唔理我。」「孖祖」在羅文演唱會重逢，同場友人八卦祖兒會否認得祖藍，祖藍說：「當時我話：『人哋咁紅，認得都唔認啦』，講完呢句，一打開門你就出嚟，你一見到我就嗌：『王祖藍』，所以我話祖兒係好好。」
此外，製作組找來黃翠如的家姐黃翠紅亮相，原來她與祖兒於小二已認識，她分享相處點滴時含淚說：「作為朋友，佢絕對係兩肋插刀，隨時會伸出緩手，係好重情義嘅朋友。」又踢爆祖兒有次半夜發開口夢：「佢坐咗起身話：『我要飲珍珠奶茶』，跟住瞓番！」而祖兒自爆曾想向翠如「出手」：「翠紅細個畀妹蝦，我就想打佢個妹，佢個妹就係翠如。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
