「出山」做打女 陳茵媺操過龍變傷兵 陳豪心痛：安全好重要！

已8年沒拍劇的陳茵媺（Aimee），即將「出山」為娘家拍攝新劇《羅密歐與祝英台》（暫名），今次是她與陳豪婚後首度合作拍劇，角色更是度身訂造，之前她受訪時，坦言希望證明自己對演戲那團火從沒熄滅！近日她狂刨劇本，更試過連讀11小時，同時又要照顧子女，非常有熱誠。

Aimee的角色動作戲甚多，當中不乏親身上陣的打戲，每星期都要返電視城訓練。據知她練到周身傷，更因勞損而要戴腰封，她受訪時說：「係呀！每星期盡量返電視城2、3次，每次Train 4、5個鐘，都好吃力！我哋未正式開工，但知道會拍已經開始做運動，等身體盡早準備同適應，依家都Train得密，加上傷咗少少，所以暫時唔會做Gym住，只係返TVB訓練。」

問到有否跟老公一起操練，她說：「佢喺劇入面係槍神，佢都有練，但唔使練咁多。動作方面我多啲，我都幾Enjoy嘅，但醫生話我勞損，因為每次我都好盡力，變咗傷咗，依家要戴住腰封，仲要學識點留力，唔好去咁盡。」

至於陳豪被問會否心痛，叫太太就住操？他說：「Aimee非常重視多年後第一次嘅復出，佢努力不懈去鍛煉動作、槍械技巧同劇本研究，導致輕微勞損，不過冇大礙。作為丈夫亦明白佢嘅想法，演戲係佢一生嘅夢想，難得機會再次來臨，佢一定盡全力好好把握！」他大讚太太團火比單身時更旺盛：「我真心為佢高興，不過都會提醒，拚搏係好，但安全都好重要！今次佢嘅戲份比較重，一定要好好保護身體，先可以保持演出水準。」