鄧麗欣畫人體素描 歡迎自薦獻身

女星鄧麗欣（Stephy）昨日出席以「森林保護者」為題的活動，展出了她特意為活動而畫的一幅老虎油畫，她表示用了3天時間完成：「平時一般都係2、3日畫好，因為唔係好大幅，加上今次有目標為活動而畫，所以好快完成。」近年才開始鑽研油畫的她，至今已完成十多幅作品，被問到有否考慮開畫展？她表示未有想過：「有好多朋友都咁問，但我主要當興趣Relax，唔想刻意為做畫展而做，其實我以前讀書係學素描。（試過畫人體素描？）未試過，唔係我專項。（有冇興趣？）暫時未有想畫嘅目標人選，有冇介紹？哈哈！睇吓有冇人自薦。」