太在意評論 索性唔睇 Tom壓力爆煲 再別社交網

Tom在社交網站上載片段，他眉頭深鎖並表示：「大家好！我整呢條片都差唔多成個鐘，對一個已經演咗13、14年戲嘅人嚟講……我好似每5分鐘唔『依依哦哦』一次，就講唔出我想講嘅嘢，所以我就再拍過。我為咗自己精神健康暫別社交網站，因為我覺得佢哋太刺激性、太壓倒性，我睇到網民對我嘅評論，就會好上心、好在意，最後對我精神狀態好差，所以我決定退一步，刪除咗個軟件。再次多謝大家聆聽以及愛同支持。」他亦借機宣傳自己成立的兩個青年精神健康慈善基金及相關的慈善義賣。

查實今次已非「蜘蛛仔」首次暫別社交網，兩年前他因為發覺自己太在意網民的評價而把社交網站戶口刪除，他受訪時表示自己在意在社交網的人生多於真實的人生：「社交網控制咗我嘅生活，我愈來愈着迷某啲嘢，例如有幾多人畀讚、大家講我啲照片乜嘢、邊個又上載咗啲乜嘢。」除了他之外，他的《蜘蛛俠》拍檔兼女友Zendaya的照片於今年6月亦被人冒認開戶口，還散布懷孕的假消息，搞到她要出面澄清。

另一方面，雖然Tom近日忙於開工拍新戲，但早前仍抽空飛抵匈牙利布達佩斯探望於當地開工拍攝《沙丘瀚戰2》（Dune 2）的女友，他乘飛機抵達當地期間更被同機的Fans影到織冷衫，懷疑是送給女友！

Tom宣布暫別社交網後，同樣曾受情緒病困擾的圈中好友加拿大天王Justin Bieber亦留言支持他：「愛你，老兄」。而Justin日前與索模妻子Hailey Bieber及一眾好友開超英主題的化妝派對時，他扮成「蜘蛛俠」，並在派對上高歌。