方皓玟謝安琪有意對親家

歌手謝安琪（Kay）與方皓玟（小明）一連兩場亞博演唱會前晚結束，騷後小明表示希望跟Kay舉行巡迴騷及兩家人一齊去旅行，她笑言4歲兒子和Kay的5歲囡囡已認識，可能發展姊弟戀。她又指囝囝有表演欲，曾自薦上台唱歌：「佢最鍾意唱我首《Freedom》呀，係咪Feel到佢平時對住我係幾咁辛苦，要唱呢啲歌嚟抒發自己，哈哈，我同佢講大個啲先上台，要背熟阿媽啲歌詞先。」提到小明的歌衫比Kay更性感，她笑謂：「喺我心目中大家都咁勁！」Kay則覺得性感程度一般，皆因同着西裝褸。