養家負擔大 慳得就慳 連詩雅攞正牌放閃 爆家樂送戒指

連詩雅昨日出席商場活動，穿上露肩連身短裙騷長腿，吸睛度爆燈。她坦言早前受疫情影響致收入大減，幸防疫措施放寬後工作增多，笑指一直有養家負擔，早前一度以積蓄過活：「我本身都好慳，身上首飾都係粉絲同朋友送畀我嘅生日禮物，不過我一年都會有幾次出去豪食日本菜，要過千蚊一位，對我嚟講係好奢侈。」隨即自爆左手戴的名牌戒指是未婚夫陳家樂贈送，間接放閃！

即將單拖主持15集愛情節目的她擁有豐富戀愛經驗，問到會否分享自身經歷？她說：「節目入面唔係只講愛情，會講生離死別同親情，我都30幾歲人，可以接觸啲比較嚴肅嘅話題，相信從中會學到嘢。」

而英皇新人黎峻與洪助昇亦有現身，黎峻透露將拍攝張家輝孭飛的新片，近日正努力健身，挑戰體能極限，雖然未知與家輝有否對手戲，但身為對方粉絲，能夠參演同一部作品已感高興。談到片中不乏槍戰戲份，他表示早前獲師兄謝霆鋒傳授開槍竅門：「佢叫我先向天開3槍，之後再開槍就唔會眨眼。」而洪助昇透露忙於準備跳唱新歌，大感壓力，他說：「驚首歌達唔到大家喜愛程度，不過跳番舞比想像中開心，因為以前跳舞要面對比賽好大壓力，依家就會享受。」