約陶大宇開餐 互笠高帽 老婆育兒似軍訓 譚俊彥專門搞事

譚俊彥「稱帝」後工作接不停，剛完成內地工作回港，即忙着拍攝月餅廣告。雖然工作極為忙碌，但他亦有抽時間見朋友，日前就與陶大宇開心飯敍，獲對方補祝42歲生日。雙方緣分全因Shaun的爸爸狄龍而起，大宇與狄龍曾於20年前在劇集《雄心密令》合作，他大讚對方是很好的前輩，而且教得Shaun謙卑有禮，令他相當佩服，Shaun對大宇亦有讚無彈，指他是位認真又勤力的藝人。

狄龍對Shaun的家教向來嚴謹，而Shaun現時已是一家之主，他早前接受專訪時談及家庭，表示向來較為傳統，最重視一家人齊齊整整：「到依家仲會一家四口一齊瞓，雖然我通常都係得番個角落，哈哈！（感覺到湊小朋友好辛苦？）唔辛苦喎！我好享受湊仔，仲覺得時間唔夠，未試過帶佢哋Staycation。自己工作關係，但凡要Book時間嘅活動都唔敢諗，依家最希望暑假有時間教識個女踩單車。」

問到如何教導小朋友？他指學術及時間管理主要由太太負責：「太太安排晒學習同休息時間，我成日笑佢好似軍訓。（你冇幫手？）呢方面我比較鬆，主要負責搞事。」話雖如此，其實他跟爸爸狄龍一樣，很重視小朋友的品德，他表示：「唔准佢哋玩食物，要有衣食，唔可以浪費。」又指小時候父母忙於工作沒時間管教，令他養成很多壞習慣，結果到社會工作後經常碰壁，不過他理解父母要賺錢養家，所以從未怪責他們，只是會有疏離感。