偶像冇到照撐場 姜糖逼爆首映禮 姜濤：謝謝你們

由姜濤與Jer主演的英皇電影《阿媽有咗第二個》前晚於銅鑼灣舉行首映禮，雖然兩位主角繼續停工，但姜濤歌迷會依然號召粉絲到場支持。粉絲擠滿商場3層，「姜糖」更拿着燈牌大叫偶像戲中角色名字。而姜濤隔空收到粉絲心意，即於社交網轉發後援會拍下的現場片段，並留言：「謝謝你們，辛苦了。」

戲中飾演「Jer媽」的影后毛舜筠，談到與姜濤與Jer的感情，她表示：「當初導演睇中姜濤，嗰時我仲唔知佢係邊個，後來睇番佢參賽時嘅表現，覺得呢個人非常之吸引，搞到我都好鍾意佢。後來我有參與試鏡揀蟀，最終選出同樣好有魅力嘅Jer。」

前晚亦是銅鑼灣英皇戲院開幕，陳偉霆（William）、任達華與衛詩雅以嘉賓身份撐場。已有近10年沒在港工作的William，現於香港忙拍新片《爆裂點》，他坦言因疫情關係，已兩年多沒返港。在內地片酬分分鐘以千萬計的他，被問是否滿意今次酬勞？他說：「返嚟完全唔講片酬，能夠演出呢套戲係我嘅榮幸，尤其同家輝哥（張家輝）首次合作兼有大量對手戲，過兩日我哋會對打。（唔收片酬都得？）係。（拍得辛苦？）唔會，一早有晒心理準備，我仲喺北京考咗個槍牌先返嚟，呢套戲有關槍械鏡頭比較多。」

他透露待電影10月煞科後，會趕返北京還廣告債。一向孝順的他坦言不捨母親，問到可有被催婚？早前與內地名模何穗傳緋聞的他笑言：「冇喎，阿媽淨係想我專心工作。」