「女友畀到我實在感覺」 李泳豪放低舊情 宣布結婚

豪仔自言父親李家鼎最開心，因一直擔心他走不出愛情大創傷，還有身邊很多朋友知道喜訊後，紛紛向他送祝福，他說：「好似入紙結婚過咗幾日，喺公司撞到豹哥（單立文），佢好肉緊拉住我話『如果啱就快啲拉埋天窗，畀番個女仔名分』，我話已經入咗紙，佢聽完即刻好興奮，我明白好多愛我嘅人，好怕我走唔番出嚟，我想話畀大家聽，其實我一早已經放低咗，只係等緊一個對的人，依家就畀我遇到。」他透露正籌備婚禮，必定會大宴親朋，更希望盡快造人成功。

另外，現年38歲的無綫新聞部一姐陳嘉欣，與年輕3歲的前無綫新聞主播劉晉安拍拖多年，亦決定結束愛情長跑，入紙申請結婚。據知，他們因工作關係低調處理感情，而劉晉安早已離職。結婚申請表上，新郎與新娘登記的寓所相同，相信2人早已展開同居生活。