昔日東方坐冷板櫈10個月 陳曉華玩「肢解」滿足心癮
無綫花旦陳曉華近期劇接劇，演技漸見進步，原來背後經歷過10個月沒劇拍的日子。當時意志消沉的她體重暴增，以極端方法減肥，試過點菜後只聞味道及「肢解」食物就當已進食，更每日做5次運動。
由港姐冠軍躍升成花旦的陳曉華（Hera），其演藝路絕不平坦，入行第2年首次孭飛劇集《迷網》，卻因演技生硬及口齒不清被觀眾批評得體無完膚，經過努力改進後，去年再有新作出街，她恍如脫胎換骨，逐漸獲觀眾接受。此後她一劇接一劇，演戲信心亦大增。
原來Hera背後有過一段黑暗日子，她日前接受本報專訪時指當時剛完成《異搜店》拍攝，之後一直未有新作面世，亦沒有入劇組，一坐就是10個月：「當時冇入劇組，只係偶爾做吓綜藝，所以去學戲。（當刻有冇雜念？）一開始冇，時間多到學咗2、3個課程，慢慢習慣咗。」她指「停工」初期無所事事，短短兩個月就體重暴升，向來介意旁人目光的她為求極速收身，試過一系列極端減肥法：「一日做5次運動，休息1、2個鐘再不停做。又試過喺餐廳叫完嘢，淨係不停望住食物，索吓同郁吓佢就畀人食，幻想自己食咗。（點解會咁？）疫情加上哥哥鍾意買消夜畀我食，依家新陳代謝慢，所以好易肥。」
「復工」似執金
等了又等，Hera後來終於等到拍攝《廉政行動2022》的機會，雖然只得5集的戲份，拍攝期更長達半年，但她感覺似「執到金」：「因為經歷過10個月冇劇拍，你永遠唔知呢部會唔會係最後一部戲，所以就當《廉》劇係最後一部，好努力去拍，唔可以因為驚而唔做。好彩拍完《廉》劇又有《回歸》同《曙光》兩套劇，所以好感恩嗰段日子，令我認清之後條路想點行。（有冇諗過演員以外會做乜？）冇，因為真係鍾意演戲。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
