黃妍 per se 開騷擦出美麗火花

歌手黃妍與情侶組合per se前晚舉行音樂會，per se成員Stephen完場前表示有「內幕消息」，全場即叫他與拍檔兼女友Sandy結婚，他搞笑表示：「連日子都訂咗，嚟緊12月初喺九展開騷！」而黃妍表示與per se擦出美麗火花，合作開騷覺得很溫暖，Sandy即說：「黃妍好似粒開心豆，即使之前佢喉嚨有事都仲跳跳紮。」

完騷後3人齊齊受訪，談到今次舞台設計比較簡單，黃妍表示：「其實2、3個月前已經有咁樣嘅設計，我哋嗰兩條梯都係實淨，行落去好踏實。」而Sandy表示一切以安全行先。對於被催婚，Stephen坦言以事業為重，終身大事容後再談。