陳瑞菱無意晒疤博同情 趙增熹批候選港姐冇個唱得

《2022香港小姐競選》19位候選佳麗前晚抵達愉景灣進行集訓，被分為Musical及舞蹈兩組。接受Musical挑戰的14位佳麗昨日被安排與導師趙增熹及麥秋成見面，眾人初試啼聲，卻遭趙增熹狠批唱功，他希望花1個月時間創造奇迹，並笑言接受今次任務，是遭監製大整蠱！

一眾佳麗齊穿露腰運動裝現身，提到陳瑞菱被本報率先報道胸前因做手術留下長疤痕，她說：「呢件事冇諗過大家會知，我絕對唔係博同情，嚟緊我會做激光淡疤。（好彩你媽咪做美容？）我都要畀錢，只係平啲咋。」提到她與陳銘鳳及何思懿等於履歷表興趣一欄填「唱歌」，陳瑞菱認為今次是嚴師出高徒：「係善意嘅批評。我之前跟過麥潔文學唱歌，只係已經1、2年冇練習，對自己都有信心。」

而陳銘鳳與何思懿自知唱功仍有很大進步空間，甘於接受批評。何思懿笑言平日唱K獲朋友讚好聽，如今信心蕩然無存。問到覺得哪位佳麗唱功最好？何思懿說：「陳瑞菱聲底厚，唱英文歌好聽。（集訓行程辛苦？）尋晚入住酒店，凌晨兩點幾上床，今朝6點開始化妝，要保持身段，唔係好敢食嘢。」

林鈺洧與邢慧敏同屬「高妹一族」，自入圍以來私交甚篤。曾揚言要收身的林鈺洧表示減肥已有成績：「瘦咗3、4kg，想再瘦多一倍。」而邢慧敏讚林鈺洧勤力收身：「集訓無端諯見佢瞓喺度做Sit Up ，真係好搏。（你反而要增肥？）係，做模特兒就冇問題，依家上鏡太瘦喇！」