Britney裸上癮 兩子頂唔順拒見面

奇雲罕有在電視訪問中，踢爆16歲兒子積頓占士（Jayden James）與15歲兒子辛布斯頓（Sean Preston）避見母親，早前更缺席她與Sam Asghari舉行的婚禮：「兩個仔都唔想見阿媽，已經冇見幾個月，仲決定唔去佢嘅婚禮。」Britney曾因精神問題被判由父親Jamie監護，自去年11月脫離監護權後，不斷於社交網分享遮點全裸照，奇雲指此舉令兩子尷尬：「我嘗試同佢哋解釋，可能呢個係阿媽表達自己嘅另類方法，但呢個解釋唔可以消除件事對佢哋嘅影響，真係好難接受。」又指監護權曾拯救Britney人生，而兩子仍愛着母親。

其後Britney在社交網回應，自言感到傷痛：「聽到前夫公開談論我同孩子之間嘅關係，令我好唔開心。大家都知，照顧青少年對任何人都唔係容易，我好在意嘅係，當個理由係因為我點用社交網……其實喺我用社交網之前一早就係咁，我對佢哋傾盡所有，我只有一個詞去形容：傷痛。等我話你哋知，我阿媽仲同我講：『你應該將兩個仔交畀佢哋老竇。』」

現任老公Sam亦撰文，力撐Britney從未上載露點裸照，最多只是展示臀部，在今時今日只是小兒科，批評奇雲言論不負責任，又抽水說：「兩個仔好聰明，就嚟18歲，為自己做決定，可能最後會了解所謂最難接受嘅地方，係有一個過去15年冇乜點工作嘅老竇作為自己模範。」