王梓軒搵番存在價值

藝人王梓軒與Crisel Consunji昨日出席慈善活動，分享抗壓心得，梓軒難忘疫情期間一度滯留美國，當時全個娛樂行業停擺：「作為表演從業員，懷疑自己係咪冇用喇！後來用時間創作、寫劇本同做監製等，開始有番動力。」梓軒與剛為人母的Crisel將合演3場音樂劇，他大讚：「佢大肚嗰陣接咗今次演出，點知延後咗6個月，但佢生完真係搞得掂，依家除咗綵排，仲要教書同照顧家庭。」據悉，早前音樂劇班底有人確診，Crisel丈夫一手包辦湊女工作，讓太太隔離，幸最終虛驚一場。