林敏驄爆肚又喊又笑黃嘉雯飲酒壯膽開工當上戲劇堂

「大師」林敏驄為無綫新劇出心出力，劇中甚有艷福的他不時畀女圍，近日更分別與性感打扮的黃嘉雯、「女僕」孫慧雪及郭柏妍開工，趁機「開班」提升眾人演技，令大家很快投入。

林敏驄、黃嘉雯及郭柏妍正拍攝無綫新劇《下流上車族》，阿驄經常「全女班」陪開工，除劇中太太江美儀外，還有囡囡郭柏妍、羅毓儀，以及與他大搞曖昧關係的黃嘉雯，日前更加入性感女神孫慧雪，艷福不淺！

首度拍喊戲

向來搞笑的阿驄，在拍攝現場氹得一眾女生不知幾開心，更經常萬歲請食嘢。黃嘉雯飾演校長，但亦有大膽演出，日前她以鮮紅色Tube Dress開工，談到與阿驄合作，她說：「好好呀！好似每日都上緊戲劇班咁，因為好多時佢未必跟足劇本，所以我哋有機會好好發揮，過程好搞笑、好好玩！記得有日拍飲酒戲，我哋真係飲咗少少酒，氣氛好好。」今次她更首度挑戰喊戲：「飲咗少少酒真係幫到情緒，係一個新嘗試。」而阿驄亦即興喊埋一份，本來只是他的獨腳戲，但他臨時提議全家出動，4人相擁喊了8分鐘，在場工作人員亦受感動。

郭柏妍之前被阿驄讚演技有進步，更識得「搶戲」，日前她與羅毓儀、孫慧雪化身嬌俏女僕，她說：「因為劇情需要而着女僕裝，覺得好得意，因為我未試過。」