新碟連環出事 Beyonce被轟冒犯病人 刪「腦殘」歌詞補鑊

據知，歌詞包含貶低患者的詞語「Spaz」，全寫是「Spastic」，意指腦殘。為「大腦性麻痹病」患者爭取權益的慈善組織，批評Beyonce的歌曲有冒犯病人之意，強烈要求她重新灌錄有問題歌曲。有Fans力撐Beyonce，指該字眼在美國有不同意思，可解作「嚇驚」或「癲狂」，但Beyonce方面亦妥協，發言人表示會更改相關歌詞，以平息風波。查實幾星期前，美國天后Lizzo的歌曲《GRRRLS》亦出現同一貶詞，事後她公開道歉，並重新推出歌曲。

今次Beyonce出碟可謂出師不利，早於推出前幾日，全碟已在網上外洩；美國女歌手Kelis又批評她未經准許，使用其舊曲的一部分，直斥她的行為有如盜竊！

另外，美國著名唱作女歌手Diane Warren前日留言暗寸Beyonce，不開名批評：「點可以有一首歌有24位創作人？」網民認為她所指的是Beyonce新碟其中一首歌《Alien Superstar》，其後Diane再留言澄清：「呢個唔係批評，我只係好奇。」Beyonce的Fans隨即護航，反寸Diane：「你喺呢行幾十年，竟然唔知Sample（音樂取樣）點玩法？」Diane亦反擊：「因為我唔用呢啲（音樂取樣）囉！」