敏感時刻踩入紅館 周國賢舞台簡單為主

緊接林家謙於9月初在紅館首度開騷的是周國賢，前晚他出席活動，對於有傳其演唱會取消，他驚訝表示：「我都唔知，因為唔想買咗飛嘅朋友擔心，所以喺自己平台叫佢哋放心。（係咪如期舉行？）應該係，但未100%肯定。」他透露演唱會是四面台，由於不是跳舞出身，相信舞台設計以簡單為主，又說：「相信如果要改動，都唔會多。」他直言預留了較長的綵排時間：「始終係第一次喺紅館開騷，我都要求大會綵排起碼3次以上。」總之一切以安全為上。

同場有MIRROR成員Edan的ViuTV節目拍檔魏浚笙及岑珈其等，談到節目《膠戰SSP》疑因個唱事故而延期播映，暫時播映無期，他們表示在「6膠」通訊群組中有慰問Edan，獲回覆：「OK，我冇事。」幾位「膠人」有共識不打擾Edan，給予空間讓他慢慢調理情緒：「我哋有講過如果佢需要一個出口，可以搵我哋傾偈。」

另外，一班「鏡粉」在社交平台開設帳號，並貼出一封公開信，除了對MIRROR成員的身心情況表示擔憂外，亦表達對主辦單位處事手法的不滿。