昔日東方古天樂劉青雲難卸33磅裝甲 挑戰膀胱極限
藝人古天樂（古仔）任電影總監製及主演的電影《明日戰記》將於本月底上映，該片是第46屆香港國際電影節開幕電影，終極海報亦告曝光！向來鍾情科幻片的古仔，今次用上本地團隊製作香港首部科幻片，當中他與劉青雲身上的動力裝甲，由曾參與荷里活電影的本地概念設計師打造，單是頭盔已有多達200個組件。
冷氣喉射住降溫
在高溫天氣下身披裝甲，體溫高達40度，古仔直言回想亦彷彿有一股熱氣湧上來：「拍攝時的確辛苦，身上嘅動力裝甲超過33磅，而且有好多動作戲，又正值炎熱天氣。印象最深刻係第一次着上裝甲，每次都要用半小時以上，就算熟練咗都要15分鐘。」青雲亦表示：「呢套動力裝甲，成日覺得好重，好多時拍完要做好多伸展運動。」又指拍攝時不能隨意卸甲，為了捉緊進度，不能隨心去洗手間，相當辛苦。
雖然每日處於中暑邊緣，但古仔自有一套降溫方法，他笑說：「好記得當時喺片場有3部冷氣，分別有3條喉對住我。大家應該可以幻想到，車入面又焗、環境又狹窄、雲台又不停咁郁，唔可以除衫、唔可以去洗手間嘅感覺係幾咁特別，絕對係我從影以嚟，從未有過嘅體驗！」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
