7個月170次！「碳」為觀止 Taylor狂搭私人飛機 粉絲都鬧爆

據統計指Taylor單是今年至今已搭過170次私人飛機，碳排放量達8,293.54公噸，更被指今年試過由美國密蘇里州飛抵納什維爾短途航程都以私人飛機代步，整個航程時間花上36分鐘！

消息傳出後即惹來大批網民熱議，就連粉絲亦不幫她加入戰團鬧爆，有粉絲留言：「我愛Taylor嘅音樂，但根本上冇藉口。我唔理你飛去邊或為邊個而飛，我哋個地球正面臨死亡！」另有粉絲留言：「以佢為恥！Taylor只顧自己嘅形象，其他就唔理。我認為所有人都應該停止再坐私人飛機而坐番普通客機。」報道出街後，Taylor即時透過發言人回應並澄清，指其私人飛機並非只有她專用，她會借給其他人使用，認為報道失實！

除了Taylor之外，一眾名人紅星均「榜上有名」，排第2位的美國拳王梅韋特（Floyd Mayweather）今年試過坐10分鐘航程的私人飛機。而美國真人騷女星Kim Kardashian、饒舌男歌手Travis Scott、樂壇大亨Jay-Z、名嘴奧普拉（Oprah Winfrey）、荷里活男星麥克華堡（Mark Wahlberg）及大導演史提芬史匹堡（Steven Spielberg）等都打入10大位置！