楊洛婷錯有錯着結良緣

藝人楊洛婷昨日以大使身份出席司儀大賽頒獎禮，她透露從事司儀工作達16年，首個工作更促成她與現任老公Tim的姻緣：「當日Tim都在場，做主持時好緊張不斷講錯嘢，休息途中佢同我傾偈，飲咗兩杯又一齊跳舞放鬆吓，佢仲等埋我收工，本來話車我返屋企，我當時年紀仲細有啲驚，我叫佢車我去港鐵站，最後大家交換咗聯絡電話 。我哋傾咗半年偈，佢先發功約我出嚟食飯。」