昔日東方孔德賢升呢喜劇男一 惡補周星馳電影
藝人謝東閔、孔德賢及陳嘉慧等昨日出席無綫新劇《本尊就位》造型活動，首演男一的謝東閔及孔德賢心情大靚，後者直言開心又興奮，因除了戲份多，還有幸與韋家雄、李成昌及謝東閔等前輩合作。謝東閔被問到如何過兩招給對方，他即笑說：「我教佢打機！我哋對手戲多，雖然識咗好多年，但今次先合作，希望帶到新鮮感畀大家。」演齡尚淺的孔德賢表示為角色也做了很多功課：「呢套係喜劇，所以睇好多笑片，好似周星馳同張家輝嘅電影取經。」
而小花陳嘉慧於劇中飾演雛妓，笑言正努力揣摩如何「做女人」，並說：「驚到時忍唔住笑。（有冇咀戲？）唔知，個劇本比較秘密。」而下月19日舉行婚禮的黃嘉樂則表示，雖屆時新劇已開工，幸一早已申請假期，問到會否請新劇演員出席？他說：「盡量，希望到時嘅防疫措施會放寬啲。（就嚟做人夫心情點？）好期待身份嘅轉變，生活上就冇分別，只係多咗份責任。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
