畢彼特秘嗒新歡只係玩玩吓！

58歲美國男星畢彼特（Brad Pitt）最近宣傳動作喜劇新片《殺手列車》（Bullet Train）時心情大靚，原來正在蜜運中！知情者透露：「佢依家拍緊拖，但呢段唔係好認真嘅關係。」知情者又指畢佬專注花時間陪伴與美國女星前妻安祖蓮娜祖莉（Angelina Jolie）的6名子女：「畢佬早排喺洛杉磯嗰陣，同細嗰批子女食晚餐，啲細路大咗，有自己生活同朋友圈子，畢佬同佢哋仲係保持良好關係。」

畢佬6年前與安祖蓮娜離婚，目前仍為撫養權打官司；而他2年前曾與29歲德國女模Nicole Poturalski短暫拍拖。